(inspired by UpDharmaDown's "OO")
Para sa taong matagal ko nang hinihintay pero hindi ko nakikita. Nakita man pero hindi namalayan. Nakakatawang isipin na kahit ganito na ako katanda, naniniwala pa rin ako na meron talagang tao na dadating para maging "leading man" ko sa totoong buhay. Ang tanong... nasaan ka?
Isa ka ba sa mga nakakabanggaan ko ng siko sa MRT?
Isa ka ba sa mga sumilip na sa profile ko dito sa Friendster?
Nagkita na ba tayo pero hindi nagpansinan?
Isa ka bang doctor,engineer,lawyer,businessman,sales person,ahente,operator,driver,waiter,nerd, psychic,bum,babaero,pankista,sugarol,panadero,mag-aareglo o baka naman nasa langit ka na?
Matagal na ba tayong nagkakasalubong at nagkukunwari ka lang na ayaw mo ko tignan kahit na kinakalabit na ng amoy ng bagong shampoo kong buhok ang ilong mo?
Nagpa-cute na ba ko sayo? Inimbitahan kang lumabas? Mag-kape?
Niyaya mo na ba akong lumabas? Pinadalhan ng forwarded na text message na kapag hindi ko ipinasa sa isang daang tao sa loob ng isang oras e mamamatay ako bukas o kahit kailan hinding hindi na ako yayaman?
Tinitignan mo ba ako sa malayo at iniisip mo na balang araw matatanggal din ang pagka manhid ko at mararamdaman ko rin na, ahemm..kinikilig ka pag nakikita mo ko?
Bumibilog ba ang boses mo na parang gusto mong lakasan tuwing nakikita mo ko na kahit hindi ako ang kinakausap mo e gusto mong marinig na may matino kang sasabihin para maisip ko na matalino ka pala? o ako yun?
Minsan mo na bang pinangarap na magkahawak tayo ng kamay habang naglalakad sa Metrowalk, Eastwood, Megamall o kaya Mall of Asia (para mas mahaba ang lalakaran) habang nagtititigan tayo saka mo ko lilinyahan ng "Pagod ka ba?, San mo gusto pumunta?"?
Hiniraman na ba kita ng kahit ano tapos hindi ko binalik,tapos iniisip mo na kaya ko hindi binalik kasi may gusto ako sayo at gagamitin ko iyong "remembrance"? o ikaw ang nanghiram sakin?
Minsan mo na ba akong nakitang umiiyak pero hindi mo ko malapitan para kausapin dahil natatakot ka na itaboy kita o kaya naman ayaw mo malaman ng ibang tao na interisado ka sakin dahil "cool" ang image na pino-project mo?
Nagkataon ba na habang nagse-surf ka sa internet e nabuksan mo ang e-mail ko? Nagte-txt at nagkamali kang number ko ang nasend-an mo?
Nararamdaman mo ba na "okey lang" ako or "pwede" pero wala ka pang sapat na emosyon para masabi mo na gusto mo kong maging syota? ok.. girlfriend?
Isa ka ba sa mga naniniwala na kahit luko loko ako, maingay, malakas uminom, mahilig gumimik, nagsusuot ng maiikling damit at kung minsan saksakan ng arte, e magiging mabuti akong ina sa pupwedeng maging anak natin? At kaya ayaw mo akong diskartehan, iniisip mo na sobrang magkaiba tayo kaya hinihintay mo na magsawa muna ako sa pinaggagagawa ko?
Malungkot ka rin ba ngayon? Na kahit maraming babae na nakapalibot sayo, hindi mo maintindihan kung bakit ni-isa sa kanila walang tumatagos sa puso mo para masabi mo na "this is it"?
Tumitingin ka rin ba sa langit twing gabi,bumubulong sa hangin ng "good night" sa babaeng hindi mo pa rin nakikilala?
May girlfriend ka ba ngayon? Boyfriend? (wag naman sana)
Hinahanap din kita. Hinihintay. Nangangarap na sana magkasama tayo. Wala ka pa ngalang muka sa pangarap ko. Hindi ako manghuhula.. hindi kita makita. Kakahintay ko sayo, madalas ako malinlang. Sa tuwing may dumadating, akala ko, ikaw sila.. sorry. Natatakot lang naman ako na baka ikaw na pala yung kaharap ko saka pa kita tratuhin ng hindi maganda.. naiintindihan mo? Hindi mo pa siguro alam ngayon na ikaw..hindi ko man alam na ako.. pero sana pag dumating ang panahon..maging maayos.
Excited nako! =)
at kahit wala ka pang pangalan...
I Love You!
No comments:
Post a Comment